Promotion of Fashion Lab DNA.

Во четвртокот вечерта, во кафулето „Љубов", прекрасните Дани и Александра на многу интересен начин го промовираа својот моден блог Fashion DNA.

Промоцијата беше навистина интересна и поинаква, затоа што вклучуваше изложба на модни фотографии, направени од страна на „Зачувај Момент" (Сара и Никола), а сето тоа во соработка со дизајнерката на накит Еми Норис.
На оваа промоција бев со Елена од Elena's Blog, каде што официјално се запознавме со Даниела и Александра, две прекрасни девојки, кои всушност се две најдобри пријателки и наоѓаат инспрација во модата, како и заеднички јазик помеѓу "swag" и "style", а сето тоа преточено во една поинаква модна приказна.

За оваа прилика се одлучив за лежерна и секако топла есенска комбинација. Се мислев помеѓу неколку парчиња облека, кои откако ги споив и ги погледнав заедно - заклучив дека сум ги склопила на вистински начин.
Знаев дека не сакам да мешам повеќе од три бои, па ги искомбинирав сивата како главна, со додатоци во црна и бордо боја. 

Како што сите знаете, чорапите над колено се апсолутен хит, па се решив да ги вметнам во оваа комбинација. Го направив тоа на малку поинаков начин, односно со бордо хулахопки - за да ми биде топло, а и заради тоа што ми е малку непријатно да ги носам на гола нога.
Овој бордо кармин (Golden Rose Matte бр.23) е мојот омилен оваа сезона. Во иста боја ми се и ноктите (Golden Rose Expert бр.78).
Накитот е сребрен, часовникот е од Tally Weijl, а алката од Elena's Shop.

Секако да се заблагодарам на Елена за фотографиите, кои прекрасно изгледаат. Се надевам дека ви се допаѓа оваа комбинација и ќе најдете инспирација во неа.

Имајте убав ден :*

Photo by: "Save a moment"

This promotion was interesting and different, mostly because it was an exhibition of fashion photo session, collaboration made with "Save a moment" (Sara and Nikola - photographers) and the unique jewelry designer Emi Noris.

Taking selfies with Elena :)